الخميس، 15 يناير، 2015

9:04 ص شهيوات ام رميساء

السلام عليكم ورحمة الله هاد البنيي كيجي رائع اانا متاكدة الا جربتوه غيعجبكم نبداو بالمقادير 1 بيضة 2 بطاطات مسلوقين نص كاس حليب كاس صغير سنيدة نص كاس زبدة دايبة ممكن تعوضوها ب 3 معالق زبدة طرية فدرجة حرارة المطبخ معلقة صغيرة خميرة د الخبز قبصة ملح خمارة 1 فاني الدقيق حسب الخليط كنطحنو فمولينيكس البطاطا والبيضة والحليب اكنطحنوهم مزيان فمولينكس
اكنضيفو باقي المقادير الا الدقيق انطحنوهم فمولينيكس انصبو الخليط فايناء حنى كنضيفو الدقيق وحنا كندلكو ندلكو العجين مزيان
انديروه فايناء انغطيوه انخليوه اخمر حتى يضاعف الحجم ديالو انرشو الطحين فالبلاصة فين نطلقوه ونطلقوه انستفو التفاح فوقو من الاحسن نلاصقوهم شوي انا ملصقتهمش ولكن نفضل نقاربوهم
اكنروليو على التفاح العجين ونقطعوه دوائر الصور توضح
انستفوهم فالاطة انخليوهم اخمرو
ملي كيخمرو كنسخنو المقلة انبداو نطيبو فيهم
هاهما واجدين بالصحة والراحة
شارك الموضوع

1 التعليقات: